girte hain log garmii e baazaar dekh kar
— Abdul Hamid Adam
Girte hain log garmee-e-baazaar dekh kar
Sarkaar dekh kar miree sarkaar dekh kar
Aavaargee kaa shauq bhaDaktaa hai aur bhee
Teree galee kaa saaya-e-deevaar dekh kar
Taskeen-e-dil kee ek hee tadbeer hai faqat
Sar phoD leejiye koi deevaar dekh kar
Ham bhee ga.e hain hosh se saaqee kabhi kabhi
Lekin tiree nigaah ke atvaar dekh kar
Kya mustaqil ilaaj kiyaa dil ke dard kaa
Wo muskuraa diye mujhe beemaar dekh kar
Dekhaa kisee kee samt to kya ho gaya 'adam'
Chalte hain raah-rau sar-e-baazaar dekh kar