hans hans ke jaam jaam ko chhalkaa ke pii gaya

Hans hans ke jaam jaam ko chhalkaa ke pee gaya Wo khud pilaa rahe the main lahraa ke pee gaya Tauba ke TooTne kaa bhee kuch kuch malaal tha Tham tham ke soch soch ke sharmaa ke pee gaya Saaghar-ba-dast baiThee rahi meree aarzoo Saaqee shafaq se jaam ko Takraa ke pee gaya Wo dushmanon ke tanz ko Thukraa ke pee ga.e Main doston ke ghaiz ko bhaDkaa ke pee gaya Sad.haa mutaalibaat ke ba.ad ek jaam-e-talkh Dunya-e-jabr-o-sabr ko dhaDkaa ke pee gaya Sau baar laghzishon kee qasam khaa ke chhoD dee Sau baar chhoDne kee qasam khaa ke pee gaya Piitaa kahaan tha sub.h-e-azal main bhalaa 'adam' Saaqee ke aitbaar pe lahraa ke pee gaya