havaa sanke khaaron ki badii takliif hotii hai

Havaa sanke to khaaron ko baDee takleef hotee hai Mire gham kee bahaaron ko baDee takleef hotee hai Na chheD ai ham-nasheen ab ziist ke maayoos naghmon ko Ki ab barbat ke taaron ko baDee takleef hotee hai Mujhe ai kasrat-e-aalaam bas itnee shikaayat hai Ki mere gham-gusaaron ko baDee takleef hotee hai Kaho maujon se lahraa kar na yuun palTen samundar se Ki baa-ghairat kinaaron ko baDee takleef hotee hai Gale milte hain jab aapas men do bichhDe hue saathee 'adam' ham be-sahaaron ko baDee takleef hotee hai