itnaa to dostii kaa sila diijiye mujhe
— Abdul Hamid Adam
Itnaa to dostee kaa sila deejiye mujhe
Apna samajh ke zahr pilaa deejiye mujhe
UTThe na taa-ki aap kee jaanib nazar koi
Jitnee bhee tohmaten hain lagaa deejiye mujhe
Kyuun aap kee khushee ko miraa gham kare udaas
Ik talkh haadisa hoon bhulaa deejiye mujhe
Sidq-o-safaa ne mujh ko kiyaa hai bahut kharaab
Makr-o-riyaa zaroor sikhaa deejiye mujhe
Main aap ke qareeb hee hota hoon har ghaDee
Mauqa kabhi paDe to sadaa deejiye mujhe
Har chiiz dastiyaab hai baazaar men 'adam'
JhooTee khushee khareed ke laa deejiye mujhe