khairaat sirf itnii milii hai hayaat se
— Abdul Hamid Adam
Khairaat sirf itnee milee hai hayaat se
Paanee kee buund jaise ataa ho furaat se
Shabnam isee junoon men azal se hai seena-koob
Khursheed kis maqaam pe miltaa hai raat se
Naagaah ishq vaqt se aage nikal gaya
Andaaza kar rahi hai khirad vaaqi.aat se
Soo-e-adab na Thahre to den koi mashvara
Ham mutma.in nahin hain tiree kaa.enaat se
Saakit rahen to ham hee Thaharte hain baa-qusoor
Bolen to baat baDhtee hai chhoTee see baat se
Aasaan-pasandiyon se ijaazat talab karo
Rasta bharaa huaa hai 'adam' mushkilaat se