kya baat hai ai jaan e sukhan baat kiye jaa

Kya baat hai ai jaan-e-sukhan baat kiye jaa Maahaul pe naghmaat kee barsaat kiye jaa Dunya kee nigaahon men baDee hirs bharee hai Naa-ahl zamaane se hijaabaat kiye jaa Nekee kaa iraada hai to phir poochhnaa kaisaa Din raat faqeeron kee mudaaraat kiye jaa Chalte rahen mad.hosh piyaalon kee ravish par Naadaan sitaaron ko hidaayaat kiye jaa Allaah tiraa husn kare aur ziyaada Ham raah-nasheenon se mulaaqaat kiye jaa Ban aa.e javaabaat to mil jaa.enge khud hee Ai daavar-e-mahshar too savaalaat kiye jaa Hastee o adam kya hain ba-juz jumbish-e-abroo Ai jaan-e-kinaayaat ishaaraat kiye jaa Kahtaa hai 'adam' mujh ko har ik gosha-e-hastee Aayaa hai to Kuch sair-e-kharaabaat kiye jaa