mai khaana e hasti men aksar ham apna thikaana bhuul gae

Mai-khaana-e-hastee men aksar ham apna Thikaana bhuul ga.e Yaa hosh men jaanaa bhuul ga.e yaa hosh men aanaa bhuul ga.e Asbaab to ban hee jaate hain taqdeer kee zid ko kya kahiye Ik jaam to pahunchaa thaa ham tak ham jaam uThaanaa bhuul ga.e Aa.e the bikhere zulfon ko ik roz hamaare marqad par Do ashk to Tapke aankhon se do phuul chaDhaanaa bhuul ga.e Chaahaa thaa ki un kee aankhon se Kuch rang-e-bahaaraan le liije Taqreeb to achchhee thee lekin do aankh milaanaa bhuul ga.e Ma.aloom naheen aa.eene men chupke se hansaa thaa kaun 'adam' Ham jaam uThaanaa bhuul ga.e wo saaz bajaanaa bhuul ga.e