miraa ikhlaas bhi ik vajh e dil aazaarii hai
— Abdul Hamid Adam
Miraa ikhlaas bhee ik vaj.h-e-dil-aazaaree hai
Banda-parvar mujhe ehsaas-e-gunahgaaree hai
Aap aziyyat kaa banaate hain jo khoogar mujh ko
Is se behtar bhalaa kya soorat-e-gham-khvaaree hai
Mahz taskeen-baraaree ke bahaane hain sab
Main to kahtaa hoon mohabbat bhee riyaa-kaaree hai
Mashq kartaa hai naseehat kee jin ayyaam men too
Vaa.iz-e-shahr vahee mausam-e-mai-khvaaree hai
Kaise aa.egaa na sar-dard ko aaraam 'adam'
Mere ahbaab ko taqreer kee beemaaree hai