raqs kartaa hoon jaam piitaa hoon

Raqs kartaa hoon jaam piitaa hoon Aam miltee hai aam piitaa hoon JhuuT main ne kabhee naheen bolaa Zaahidaan-e-kiraam piitaa hoon Rukh hai pur-noor to ta.ajjub kya Baada-e-laala-faam piitaa hoon Itnee tezee bhee kya pilaane men Aabgeene ko thaam piitaa hoon Kaam bhee ik namaaz hai meree Khatm karte hee kaam piitaa hoon Tere haathon se kis ko miltee hai? Mere maah-e-tamaam piitaa hoon Zindagee kaa safar hee aisa hai Dam-ba-dam gaam gaam piitaa hoon Mujh ko mai se baDee mohabbat hai Main ba-sad-ehtiraam piitaa hoon Mai mire honT chuum letee hai Le ke jab teraa naam piitaa hoon Shaikh o muftee 'adam' jab aa jaa.en Ban ke un kaa imaam piitaa hoon