takliif mit gaii magar ehsaas rah gaya
— Abdul Hamid Adam
Takleef miT ga.ee magar ehsaas rah gaya
Khush hoon ki Kuch na Kuch to mire paas rah gaya
Pal-bhar men us kee shakl na aa.ee agar nazar
Yak-dam ulajh ke rishta-e-anfaas rah gaya
Photo men dil kee choT na tabdeel ho sakee
Naqlen utaar utaar ke akkaas rah gaya
Wo jhooTe motiyon kee chamak par phisal ga.ee
Main haath men liye hue almaas rah gaya
Ik ham-safar ko kho ke ye haalat huee 'adam'
Jangal men jis tarah koee be-aas rah gaya