tauba kaa takalluf kaun kare haalaat ki niyyat thiik nahin

Tauba kaa takalluf kaun kare haalaat kee niyyat Thiik nahin Rahmat kaa iraada bigDaa hai barsaat kee niyyat Thiik nahin Ai sham.a bachaanaa daaman ko ismat se mohabbat arzaan hai Aalooda-nazar parvaanon ke jazbaat kee niyyat Thiik nahin Kal qat.a ta.alluq kar lenaa is waqt to dunya meree hai Ye raat kee qasmen jhooTee hain ye raat kee niyyat Thiik nahin Aisaa nazar aataa hai jaise ye shai mujhe paagal kar degee ThoDee see tavajjoh bar-haq hai bohtaat kee niyyat Thiik nahin Raftaar-e-zamaana kaa lahja saffaak dikhaa.ee deta hai Bar-waqt koi tadbeer karo aafaat kee niyyat Thiik nahin Mai-khaane kee rasm-o-raah men bhee ho jaa.e na shaamil khoT kahen Khuddaam fareb-aamaada hain khidmaat kee niyyat Thiik nahin ThoDaa saa kaDaa gar dil ko karoon aadaat badal to saktee hain Par asl museebat to ye hai aadaat kee niyyat Thiik nahin Dartaa hoon 'adam' phir aaj kaheen sho.ala na uThe bijlee na gire Barbat kee tabee.at uljhee hai naghmaat kee niyyat Thiik nahin