wo ahd e javaanii wo kharaabaat kaa aalam

Wo ahd-e-javaanee wo kharaabaat kaa aalam Naghmaat men Duubee huee barsaat kaa aalam Allaah-re us zulf ke jaan-bakhsh andhere Jaise ki mahakte hue zulmaat kaa aalam Ai ra.asha-e-mastee kaa sabab poochhne vaale Dekhaa hai kabhi pahlee mulaaqaat kaa aalam Nikle the mire saath wo jab bazm-e-azal se Kuch sub.h ke aasaar the Kuch raat kaa aalam Yuun us kee javaanee kaa Kuch andaaza thaa jaise Mai-khaane pe umDee huee barsaat kaa aalam Aankhon ke tasaadum men hikaayaat kee Dunya HonTon ke tasaadum men kharaabaat kaa aalam Awaaz men kaliyon ke chaTakne kee lataafat Raftaar men bahte hue naghmaat kaa aalam Hanstee huee aankhon se savaalaat kee baarish Jalte hue honTon men javaabaat kaa aalam Kuch mujh ko khabar thee na unhen hosh thaa apna Allaah-re mad-hoshee o jazbaat kaa aalam Aankhon men shafaq jism men mai zulf men ThanDak Aalam bhee wo aalam ki kharaabaat kaa aalam Anfaas se aatee huee ik narm see khushboo SimTaa huaa honTon men mudaaraat kaa aalam Wo chiiz jise zindagee kahte hain wo kya hai Hanste hue shaffaaf khayaalaat kaa aalam BaiThaa hoon 'adam' le ke baDee der se dil men Kahte hain jise harf-o-hikaayaat kaa aalam