honton pe kabhii un ke miraa naam hii aae

HonTon pe kabhee un ke miraa naam hee aa.e Aa.e to sahee bar-sar-e-ilzaam hee aa.e Hairaan hain lab-basta hain dil-geer hain ghunche Khushboo kee zabaanee tiraa paighaam hee aa.e Lamhaat-e-masarrat hain tasavvur se gurezaan Yaad aa.e hain jab bhee gham-o-aalaam hee aa.e Taaron se sajaa lenge rah-e-shahr-e-tamannaa Maqdoor naheen sub.h chalo shaam hee aa.e Kyaa raah badalne kaa gila ham-safaron se Jis rah se chale tere dar-o-baam hee aa.e Thak-haar ke baiThe hain sar-e-koo-e-tamannaa Kaam aa.e to phir jazba-e-naakaam hee aa.e Baaqee na rahe saakh 'adaa' dasht-e-junoon kee Dil men agar andesha-e-anjaam hee aa.e