koii khabar bhii na bhejii bahaar ne aate

Koee khabar bhee na bhejee bahaar ne aate Ki ham bhee qismat-e-mizhgaan sanvaarne aate Phir aarzoo se taqaazaa-e-rasm-o-rah hotaa Nigah pe qarz the jitne utaarne aate Ye zindagee hai har ik pairahan men sajtee hai Naheen thee jiit naseebon men haarne aate Koee sharar koee khushboo ki dil na bujh jaa.e Kisee bhee naam se khud ko pukaarne aate Abhee yahaan to naheen ho sakee hikaayat-e-jaan Na.e varaq pe na.e naqsh ubhaarne aate Kabhee ghubaar kabhee naqsh-paa-e-raah-ravaan Vo rahguzar thee ki har ruup dhaarne aate Miraa sukoon bhee mire aansuon ke bas men thaa Ye mehmaan meree duniyaa nikhaarne aate Jo ham naheen to sar-e-rah-guzaar-e-dard 'adaa' Vo kaun the jo dil-o-jaan ko vaarne aate