naqsh bar aab saal haa saal mohabbat jo banaa kartii hai

Saal-haa-saal mohabbat jo banaa kartee hai Rishta-e-qalb-o-nazar palla-e-resham kee tarah Ek jhonkaa bhee havaadis kaa use kaafee hai Pahlu-e-gul men dhaDaktee huee shabnam kee tarah Ye mohabbat ke banaa.e hue aivaan-e-buland Ek Thokar bhee zamaane kee nahin sah sakte Aabgeene ye bahut naazuk-o-naa-rustaa hain Mauj kee god men taa-der nahin rah sakte Garm-raftaar subuk-sair ke rahvaar-e-hayaat Aarzooon ke gharaunde ko ye Dah de na kaheen Talkh-tar jaam ke haathon men nizaam-e-nau ke Khvaab kee halaavat ko de na kaheen Ishq ke haath men raushan hai jo nanhaa saa diyaa Aql kee tund havaa us ko bujhaa hee degee Too ne dekhee hee nahin panja-e-usrat kee giraft Ruuh ko qaid-e-tamannaa se chhuDaa hee degee Gal hee jaa.egee kisee roz junoon kee zanjeer Vaqt har khvaab kee ta.abeer bataa deta hai KarvaTen letaa hai ehsaas jo bedaaree kaa Loriyaan de ke umangon ko sulaa deta hai Naqsh-bar-aab hai vaabastagee-e-husn-o-shabaab Nik.hat-e-gul kee tarah ishq hai paaband-e-havaa Is se behtar tha ki mujh se tujhe nafrat hotee Phuul murjhaate hain kaanTaa nahin murjhaa saktaa Tiir nafrat kaa raha kartaa hai dil men paivast Sham.a ye teergee-e-gham men bhee taabinda rahe Dast-e-nafrat kee banaa.ee huee deevaar-e-adaa Sang-o-aahan kee tarah pukhta-o-pa.inda rahe Azm ho jaa.enge afsurda iraade maflooj Gosh lazzat-kash-e-gulbaang-e-jalaajil kyuun ho Manzilen aur bhee kitnee hain mohabbat ke sivaa Rooh-e-aazaad giraftaar-e-salaasil kyuun ho Sal-ha-sal mohabbat jo bana karti hai Rishta-e-qalb-o-nazar palla-e-resham ki tarah Ek jhonka bhi hawadis ka use kafi hai Pahlu-e-gul mein dhaDakti hui shabnam ki tarah Ye mohabbat ke banae hue aiwan-e-buland Ek Thokar bhi zamane ki nahin sah sakte Aabgine ye bahut nazuk-o-na-rusta hain Mauj ki god mein ta-der nahin rah sakte Garm-raftar subuk-sair ke rahwar-e-hayat Aarzuon ke gharaunde ko ye Dah de na kahin TalKH-tar jam ke hathon mein nizam-e-nau ke KHwab ki halawat ko de na kahin Ishq ke hath mein raushan hai jo nanha sa diya Aql ki tund hawa us ko bujha hi degi Tu ne dekhi hi nahin panja-e-usrat ki giraft Ruh ko qaid-e-tamanna se chhuDa hi degi Gal hi jaegi kisi roz junun ki zanjir Waqt har KHwab ki tabir bata deta hai KarwaTen leta hai ehsas jo bedari ka Loriyan de ke umangon ko sula deta hai Naqsh-bar-ab hai wabastagi-e-husn-o-shabab Nikhat-e-gul ki tarah ishq hai paband-e-hawa Is se behtar tha ki mujh se tujhe nafrat hoti Phul murjhate hain kanTa nahin murjha sakta Tir nafrat ka raha karta hai dil mein paiwast Shama ye tirgi-e-gham mein bhi tabinda rahe Dast-e-nafrat ki banai hui diwar-e-ada Sang-o-ahan ki tarah puKHta-o-painda rahe Azm ho jaenge afsurda irade mafluj Gosh lazzat-kash-e-gulbang-e-jalajil kyun ho Manzilen aur bhi kitni hain mohabbat ke siwa Ruh-e-azad giraftar-e-salasil kyun ho