shikast e saaz main ne gul rez bahaaron ki tamannaa ki thii

Main ne gul-rez bahaaron kee tamannaa kee thee Mujhe afsurda nigaahon ke sivaa Kuch na milaa Chand sahmee huee aahon ke sivaa Kuch na milaa Jagmagaate hue taaron kee tamannaa kee thee Main ne mauhoom umeedon kee panaahen DhoonDeen Shiddat-e-yaas men mub.ham saa ishaara na milaa Dagmagaate hue qadmon ko sahaaraa na milaa Haa.e kis dasht-e-balaa-khez men raahen DhoonDen Ab fusoon-saaz bahaaron se mujhe kya matlab Aaj hee meree nigaahon men wo manzar tauba Main ne dekhe hain lapakte hue nashtar tauba Khuld bar-dosh nazaaron se mujhe kya matlab Aasmaan nuur ke naghmaat se ma.amoor sahee Main ne ghaTtee huee cheekhon ke sune hain nauhe Haa.e wo ashk jo palkon se Dhalak bhee na sake Zindagee husn-o-javaanee se abhee chuur sahee Kabhee zau-paash sitaaron kee tamannaa thee mujhe Aaj zarron ko bhee maqsood banaa rakkhaa hai Aaj kaanTon ko kaleje se lagaa rakkhaa hai Kabhee gul-rez bahaaron kee tamannaa thee mujhe Main ne gul-rez bahaaron ki tamanna ki thi Mujhe afsurda nigahon ke siwa Kuch na mila Chand sahmi hui aahon ke siwa Kuch na mila Jagmagate hue taron ki tamanna ki thi Main ne mauhum umidon ki panahen DhunDin Shiddat-e-yas mein mubham sa ishaara na mila Dagmagate hue qadmon ko sahaara na mila Hae kis dasht-e-bala-KHez mein rahen DhunDen Ab fusun-saz bahaaron se mujhe kya matlab Aaj hi meri nigahon mein wo manzar tauba Main ne dekhe hain lapakte hue nashtar tauba KHuld bar-dosh nazaron se mujhe kya matlab Aasman nur ke naghmat se mamur sahi Main ne ghaTti hui chiKHon ke sune hain nauhe Hae wo ashk jo palkon se Dhalak bhi na sake Zindagi husn-o-jawani se abhi chur sahi Kabhi zau-pash sitaron ki tamanna thi mujhe Aaj zarron ko bhi maqsud bana rakkha hai Aaj kanTon ko kaleje se laga rakkha hai Kabhi gul-rez bahaaron ki tamanna thi mujhe