aayaa huun sang o khisht ke ambaar dekh kar
— Adeem Hashmi
Aayaa huun sang o khisht ke ambaar dekh kar
Khauf aa rahaa hai saaya-e-deevaar dekh kar
Aankhen khulee rahee hain miree intizaar men
Aa.e na khvaab deeda-e-bedaar dekh kar
Gham kee dukaan khol ke baiThaa huaa thaa main
Aansoo nikal paDe hain khareedaar dekh kar
Kyaa ilm thaa phisalne lagenge mire qadam
Main to chalaa thaa raah ko hamvaar dekh kar
Har koee paarsaa.ee kee umda misaal thaa
Dil khush huaa hai ek gunahgaar dekh kar