gam ke har ik rang se mujh ko shanaasaa kar gayaa

Gham ke har ik rang se mujh ko shanaasaa kar gayaa Vo miraa mohsin mujhe patthar se hiiraa kar gayaa Ghoortaa thaa main khalaa men to sajee thiin mahfilen Meraa aankhon kaa jhapaknaa mujh ko tanhaa kar gayaa Har taraf uDne lagaa taareek saayon kaa ghubaar Shaam kaa jhonkaa chamaktaa shahr mailaa kar gayaa ChaaT lee kirnon ne mere jism kee saaree miThaas Main samundar thaa vo sooraj mujh ko sahraa kar gayaa Ek lamhe men bhare baazaar sone ho ga.e Ek chehra sab puraane zakhm taaza kar gayaa Main usee ke raabte men jis tarah malboos thaa Yuun vo daaman kheench kar mujh ko barahna kar gayaa Raat bhar ham raushnee kee aas men jaage 'adeem' Aur din aayaa to aankhon men andheraa kar gayaa