kuchh hijr ke mausam ne sataayaa nahiin itnaa

Kuchh hijr ke mausam ne sataayaa naheen itnaa Kuchh ham ne tiraa sog manaayaa naheen itnaa Kuchh teree judaa.ee kee aziyyat bhee kaDee thee Kuchh dil ne bhee gham teraa manaayaa naheen itnaa Kyuun sab kee tarah bhiig ga.ee hain tiree palken Ham ne to tujhe haal sunaayaa naheen itnaa Kuchh roz se dil ne tiree raahen naheen dekheen Kyaa baat hai too yaad bhee aayaa naheen itnaa Kyaa jaaniye is be-sar-o-saamaani-e-dil ne Pahle to kabhee ham ko rulaayaa naheen itnaa