kyuun mire lab pe vafaaon kaa savaal aa jaae

Kyuun mire lab pe vafaaon kaa savaal aa jaa.e Ain mumkin hai use khud hee khayaal aa jaa.e Hijr kee shaam bhee siine se lagaa letaa huun Kyaa khabar yoonhee kabhee shaam-e-visaal aa jaa.e Ghar isee vaaste jangal men badal Daalaa hai Shaayad aise hee idhar meraa ghazaal aa jaa.e Dhanak ubhre sar-e-aflaak kaDee dhuup men bhee Dasht-e-vahshat men agar teraa khayaal aa jaa.e Koee to uD ke dahaktaa huaa sooraj Dhaanpe Gard hee sar pe ghaTaaon kee misaal aa jaa.e ChhoD de vo mujhe takleef men mumkin to naheen Aur agar aisee kabhee soorat-e-haal aa jaa.e Us ghaDee poochhoongaa tujh se ye jahaan kaisaa hai Jab tire husn pe thoDaa saa zavaal aa jaa.e Kuchh naheen hai to bhulaanaa hee use siikh 'adeem' Zindagee men tujhe koee to kamaal aa jaa.e