rakht e safar yuunhii to na bekaar le chalo

Rakht-e-safar yoonhee to na bekaar le chalo Rasta hai dhuup kaa koee deevaar le chalo Taaqat naheen zabaan men to likh hee lo dil kee baat Koee to saath soorat-e-iz.haar le chalo Dekhoon to vo badal ke bhalaa kaisaa ho gayaa Mujh ko bhee us ke saamne is baar le chalo Kab tak nadee kee tah men utaaroge kashtiyaan Ab ke to haath men koee patvaar le chalo PaDtee hain dil pe gham kee agar silvaTen to kyaa Chehre pe to khushee ke kuchh aasaar le chalo Jitne bhanvar kahoge pahan loongaa jism par Ik baar to nadee ke mujhe paar le chalo Kuchh bhee naheen agar to hathelee pe jaan sahee Tohfa koee to us ke liye yaar le chalo RaKHt-e-safar yunhi to na bekar le chalo Rasta hai dhup ka koi diwar le chalo Taqat nahin zaban mein to likh hi lo dil ki baat Koi to sath surat-e-izhaar le chalo Dekhun to wo badal ke bhala kaisa ho gaya Mujh ko bhi us ke samne is bar le chalo Kab tak nadi ki tah mein utaroge kashtiyan Ab ke to hath mein koi patwar le chalo PaDti hain dil pe gham ki agar silwaTen to kya Chehre pe to KHushi ke kuchh aasar le chalo Jitne bhanwar kahoge pahan lunga jism par Ek bar to nadi ke mujhe par le chalo Kuchh bhi nahin agar to hatheli pe jaan sahi Tohfa koi to us ke liye yar le chalo