sar e sahraa musaafir ko sitaara yaad rahtaa hai
— Adeem Hashmi
Sar-e-sahraa musaafir ko sitaara yaad rahtaa hai
Main chaltaa huun mujhe chehra tumhaaraa yaad rahtaa hai
Tumhaaraa zarf hai tum ko mohabbat bhuul jaatee hai
Hamen to jis ne hans kar bhee pukaaraa yaad rahtaa hai
Mohabbat men jo Duubaa ho use saahil se kyaa lenaa
Kise is bahr men jaa kar kinaara yaad rahtaa hai
Bahut lahron ko pakDaa Doobne vaale ke haathon ne
Yahee bas ek dariyaa kaa nazaara yaad rahtaa hai
Sadaa.en ek see yaksaaniyat men Duub jaatee hain
Zaraa saa mukhtalif jis ne pukaaraa yaad rahtaa hai
Main kis tezee se zinda huun main ye to bhuul jaataa huun
Naheen aanaa hai duniyaa men dobaara yaad rahtaa hai