taalluq apnii jagah tujh se barqaraar bhii hai

Ta.alluq apnee jagah tujh se barqaraar bhee hai Magar ye kyaa ki tire qurb se faraar bhee hai Kured aur zameen mausamon ke mutalaashee! Yaheen kaheen miree khoee huee bahaar bhee hai Yahee na ho tiree manzil zaraa Thahar ai dil Vahee makaan hai diyon kee vahee qataar bhee hai Yoonhee to ruuh naheen toDtee hisaar-e-badan Zaroor apnaa koee baadalon ke paar bhee hai Main pattharon se hee sar ko paTakh ke lauT aayaa ChaTaan kahtee rahee mujh men shaahkaar bhee hai Ye kyaa ki rok ke baiThaa huaa huun sail-e-havas Machaan par bhee huun aur saamne shikaar bhee hai Chhupaa huaa bhee huun jiine kee aarzoo le ke Panaah-gaah miree sher kee kachhaar bhee hai Talluq apni jagah tujh se barqarar bhi hai Magar ye kya ki tere qurb se farar bhi hai Kured aur zamin mausamon ke mutalashi! Yahin kahin meri khoi hui bahaar bhi hai Yahi na ho teri manzil zara Thahar ai dil Wahi makan hai diyon ki wahi qatar bhi hai Yunhi to ruh nahin toDti hisar-e-badan Zarur apna koi baadalon ke par bhi hai Main pattharon se hi sar ko paTaKH ke lauT aaya ChaTan kahti rahi mujh mein shahkar bhi hai Ye kya ki rok ke baiTha hua hun sail-e-hawas Machan par bhi hun aur samne shikar bhi hai Chhupa hua bhi hun jine ki aarzu le ke Panah-gah meri sher ki kachhaar bhi hai