usii ek fard ke vaaste mire dil men dard hai kis liye

Usee ek fard ke vaaste mire dil men dard hai kis liye Miree zindagee kaa mutaaliba vahee ek fard hai kis liye Too jo shahr men hee muqeem hai to musaafirat kee fazaa hai kyuun Tiraa kaarvaan jo naheen gayaa to havaa men gard hai kis liye Na jamaal-o-husn kee bazm hai na junoon o ishq kaa azm hai Sar-e-dasht raqs men har ghaDee koee baadgard hai kis liye Tire husn se ye pataa chalaa tujhe dekh kar ye khabar huee Jahaan raasta hee naheen koee vahaan rah-navard hai kis liye Jo likhaa hai mere naseeb men kaheen too ne paDh to naheen liyaa Tiraa haath sard hai kis liye tiraa rang zard hai kis liye Vo jo tark-e-rabt kaa ahd thaa kaheen TooTne to naheen lagaa Tire dil ke dard ko dekh kar mire dil men dard hai kis liye Koee vaasta jo naheen rahaa tiree aankh men ye namee hai kyuun Mire gham kee aag ko dekh kar tiree aah sard hai kis liye Usi ek fard ke waste mere dil mein dard hai kis liye Meri zindagi ka mutaliba wahi ek fard hai kis liye Tu jo shahr mein hi muqim hai to musafirat ki faza hai kyun Tera karwan jo nahin gaya to hawa mein gard hai kis liye Na jamal-o-husn ki bazm hai na junun o ishq ka azm hai Sar-e-dasht raqs mein har ghaDi koi baadgard hai kis liye Tere husn se ye pata chala tujhe dekh kar ye KHabar hui Jahan rasta hi nahin koi wahan rah-naward hai kis liye Jo likha hai mere nasib mein kahin tu ne paDh to nahin liya Tera hath sard hai kis liye tera rang zard hai kis liye Wo jo tark-e-rabt ka ahd tha kahin TuTne to nahin laga Tere dil ke dard ko dekh kar mere dil mein dard hai kis liye Koi wasta jo nahin raha teri aankh mein ye nami hai kyun Mere gham ki aag ko dekh kar teri aah sard hai kis liye