ab tuutne hi vaalaa hai tanhaaii kaa hisaar
— Adil Mansuri
Ab TooTne hee vaalaa hai tanhaa.ee kaa hisaar
Ik shakhs cheekhtaa hai samundar ke aar-paar
Aankhon se raah niklee hai tahtush-shu.oor tak
Rag rag men rengtaa hai sulagtaa huaa khumaar
Girte rahe nujoom andhere kee zulf se
Shab bhar raheen khamoshiyaan saayon se ham-kanaar
Deevaar-o-dar pe khushboo ke haale bikhar ga.e
Tanhaa.ee ke farishton ne choomee qabaa-e-yaar
Kab tak paDe rahoge havaaon ke haath men
Kab tak chalegaa khokhle shabdon kaa kaarobaar