ek qatra ashk kaa chhalkaa to Dariya kar diyaa

Ek qatra ashk kaa chhalkaa to Dariya kar diyaa Ek musht-e-khaak jo bikhree to sahraa kar diyaa Mere TuuTe hausle ke par nikalte dekh kar Us ne deevaaron ko apnee aur oonchaa kar diyaa Vaardaat-e-qalb likkhee ham ne farzee naam se Aur haathon-haath us ko khud hee le jaa kar diyaa Us kee naaraazee kaa sooraj jab savaa neze pe thaa Apne harf-e-ijz hee ne sar pe saaya kar diyaa Dunya bhar kee khaak koee chhaantaa phirtaa hai ab Aap ne dar se uThaa kar kaisaa rusvaa kar diyaa Ab na koee khauf dil men aur na aankhon men umiid Too ne marg-e-naa-gahaan beemaar achchhaa kar diyaa Bhuul jaa ye kal tire naqsh-e-qadam the chaand par Dekh un haathon ko kis ne aaj kaasa kar diyaa Ham to kahne jaa rahe the hamza-e-ye vassalaam Biich men us ne achaanak noon-ghunna kar diyaa Ham ko gaalee ke liye bhee lab hilaa sakte naheen Ghair ko bosa diyaa to munh se dikhlaa kar diyaa Teergee kee bhee koee had hotee hai aakhir miyaan Surkh parcham ko jalaa kar hee ujaalaa kar diyaa Bazm men ahl-e-sukhan taqtee.a farmaate rahe Aur ham ne apne dil kaa bojh halkaa kar diyaa Jaane kis ke muntazir baiThe hain jhaaDoo pher kar Dil se har khvaahish ko 'aadil' ham ne chaltaa kar diyaa