gaanthii hai us ne dostii ik pesh imaam se
— Adil Mansuri
GaanThee hai us ne dostee ik pesh-imaam se
'aadil' uThaa lo haath duaa-o-salaam se
Paanee ne raasta na diyaa jaan-boojh kar
Ghote lagaa.e phir bhee rahe tishna-kaam se
Main us galee se sar ko jhukaa.e guzar gaya
Chilghoze phenktee rahi wo mujh pe baam se
Wo kaun thaa jo din ke ujaale men kho gaya
Ye chaand kis ko DhoonDne niklaa hai shaam se
Kone men baadshaah paDaa oonghtaa raha
Table pe raat kaT ga.ee begam ghulaam se
Nashsha saa Doltaa hai tire ang ang par
Jaise abhee bhigo ke nikaalaa ho jaam se