jalne lage khalaa men havaaon ke naqsh e paa

Jalne lage khalaa men havaaon ke naqsh-e-paa Sooraj kaa haath shaam kee gardan pe jaa paDaa Chhat par pighal ke jam ga.ee khawabon kee chaandnee Kamre kaa dard haanpte saayon ko khaa gaya Bistar men ek chaand taraashaa thaa lams ne Us ne uThaa ke chaa.e ke cup men Dubo diyaa Har aankh men thee TooTte lamhon kee tishnagee Har jism pe thaa vaqt kaa saaya paDaa huaa Dekhaa thaa sab ne Doobne vaale ko duur duur Paanee kee ungliyon ne kinaare ko chhoo liyaa Aa.egee raat munh pe siyaahi male hue Rakh degaa din bhee haath men kaaghaz phaTaa huaa