mujhe pasand nahin aise kaarobaar men hoon
— Adil Mansuri
Mujhe pasand nahin aise kaarobaar men hoon
Ye jabr hai ki main khud apne ikhtiyaar men hoon
Hudood-e-vaqt se baahar ajab hisaar men hoon
Main ek lamha hoon sadiyon ke intizaar men hoon
Abhee na kar miree tashkeel mujh ko naam na de
Tire vajood se baahar men kis shumaar men hoon
Main ek zarra miree haisiyat hee kya hai magar
Havaa ke saath hoon Udhte hue ghubaar men hoon
Bas aas-paas ye sooraj hai aur Kuch bhee nahin
Mahak raha to hoon lekin main regzaar men hoon