Abhi ham khuub suurat hain Abhi ham khuub suurat hain

Abhee ham khoob-soorat hain Hamaare jism auraaq-e-khizaanee ho ga.e hain Aur ridaa-e-zakhm se aaraasta hain Phir bhee dekho to Hamaaree khush-numaa.ee par koi harf Aur kasheeda-qaamtee men kham nahin aayaa Hamaare honT zahreelee ruton se kaasnee hain Aur chehre ratjagon kee sho.alagee se Aabnoosee ho chuke hain Aur zakhmee khvaab Naadeeda jazeeron kee zameen par Is tarah bikhre paDe hain Jis tarah toofaan-zada kashtee ke TukDon ko Samundar saahilon par phenk deta hai Lahoo kee baarishen Yaa khud-kushee kee khvaahishen thiin Is aziyyat ke safar men Kaun saa mausam nahin aayaa Magar aankhon men nam Lahje men sam HonTon pe koi naghma-e-maatam nahin aayaa Abhee tak dil hamaare Khanda-e-tiflaan kee soorat be-kudoorat hain Abhee ham khoob-soorat hain Zamaane ho ga.e Ham koo-e-jaanaan chhoD aa.e the Magar ab bhee Bahut se aashnaa naa-aashnaa hamdam Aur un kee yaad ke maanoos qaasid Aur un kee chaahaton ke hijr-naame Duur deson se hamaaree or aate hain Gulaabee mausamon kee dhoop Jab naurasta sabze par qadam rakhtee huee Ma.moora-e-tan men dar aatee hai Too barfaanee badan men Joo-e-khoon aahistagee se gungunaatee hai Udaasee kaa parinda Chup ke jangal men Sar-e-shaakh-e-nihaal-e-gham chahaktaa hai Koee bhoolaa huaa bisraa huaa dukh Aabla bin kar Tapaktaa hai To yuun lagtaa hai Jaise harf apne Zinda aavaazon kee soorat hain Abhee ham khoob-soorat hain Hamaaree khush-numaa.ee harf-e-haq kee roo-numaa.ee hai Usee khaatir to ham aashufta-jaan Ushshaaq kee yaadon men rahte hain Ki jo un par guzartee hai wo kahte hain Hamaaree harf-saazee Ab bhee mahboob-e-jahaan hai Shaa.eree shoreed-gaan-e-ishq ke vird-e-zabaan hai Aur gulaabon kee tarah shaadaan chehre La.al o marjaan kee tarah lab Sandaleen haathon se Chaahat aur aqeedat kee bayaazon par Hamaare naam likhte hain Sabhee dard-aashnaa Eesaar mashrab Ham-nafas ahl-e-qafas Jab maqtalon kee samt jaate hain Hamaare bait gaate hain Abhee tak naaz karte hain sab ahl-e-qaafila Apne hudee-khvaanon par aashufta-kalaamon par Abhee ham dastakhat karte hain apne qatl-naamon par Abhee ham aasmaanon kee amaanat Aur zameenon kee zaroorat hain Abhee ham khoob-soorat hain Abhi hum KHub-surat hain Hamare jism auraq-e-KHizani ho gae hain Aur rida-e-zaKHm se aarasta hain Phir bhi dekho to Hamari KHush-numai par koi harf Aur kashida-qamti mein KHam nahin aaya Hamare honT zahrili ruton se kasni hain Aur chehre ratjagon ki shoalagi se Aabnusi ho chuke hain Aur zaKHmi KHwab Nadida jaziron ki zamin par Is tarah bikhre paDe hain Jis tarah tufan-zada kashti ke TukDon ko Samundar sahilon par phenk deta hai Lahu ki barishen Ya KHud-kushi ki KHwahishen thin Is aziyyat ke safar mein Kaun sa mausam nahin aaya Magar aankhon mein nam Lahje mein sam HonTon pe koi naghma-e-matam nahin aaya Abhi tak dil hamare KHanda-e-tiflan ki surat be-kudurat hain Abhi hum KHub-surat hain Zamane ho gae Hum ku-e-jaanan chhoD aae the Magar ab bhi Bahut se aashna na-ashna hamdam Aur un ki yaad ke manus qasid Aur un ki chahaton ke hijr-name Dur deson se hamari or aate hain Gulabi mausamon ki dhup Jab naurasta sabze par qadam rakhti hui Mamura-e-tan mein dar aati hai Tu barfani badan mein Ju-e-KHun aahistagi se gungunati hai Udasi ka parinda Chup ke jangal mein Sar-e-shaKH-e-nihaal-e-gham chahakta hai Koi bhula hua bisra hua dukh Aabla bin kar Tapakta hai To yun lagta hai Jaise harf apne Zinda aawazon ki surat hain Abhi hum KHub-surat hain Hamari KHush-numai harf-e-haq ki ru-numai hai Usi KHatir to hum aashufta-jaan Ushshaq ki yaadon mein rahte hain Ki jo un par guzarti hai wo kahte hain Hamari harf-sazi Ab bhi mahbub-e-jahan hai Shaeri shorid-gan-e-ishq ke wird-e-zaban hai Aur gulabon ki tarah shadan chehre Lal o marjaan ki tarah lab Sandalin hathon se Chahat aur aqidat ki bayazon par Hamare nam likhte hain Sabhi dard-ashna Isar mashrab Ham-nafas ahl-e-qafas Jab maqtalon ki samt jate hain Hamare bait gate hain Abhi tak naz karte hain sab ahl-e-qafila Apne hudi-KHwanon par aashufta-kalamon par Abhi hum dastaKHat karte hain apne qatl-namon par Abhi hum aasmanon ki amanat Aur zaminon ki zarurat hain Abhi hum KHub-surat hain