agar ye sab kuch nahiin mile to ham aaj bhii hain lekin

Mile to ham aaj bhee hain lekin Na mere dil men wo tishnagee thee Ki tujh se mil kar kabhi na bichhDoon Na aaj tujh men wo zindagee thee Ki jism-o-jaan men ubaal aa.e Na khvaab-zaaron men raushnee thee Na meree aankhen charaagh kee lau Na tujh men hee khud-supurdagee thee Na baat karne kee koi khwaish Na chup hee men khoob-sooratee thee Mujassamon kee tarah the donon Na dostee thee na dushmanee thee Mujhe to kuch yuun lagaa hai jaise Vo saa.aten bhee guzar ga.ee hain Ki jin ko ham laa-zavaal samjhe Vo khvaahishen bhee to mar ga.ee hain Jo tere mere lahoo kee hiddat Ko aakhirash barf kar ga.ee hain Mohabbaten shauq kee chaTaanon Se ghaaTiyon men utar ga.ee hain Vo qurbaten wo judaa.iyaan sab Ghubaar ban kar bikhar ga.ee hain Agar ye sab kuch nahin to batlaa Vo chaahaten ab kidhar ga.ee hain Mile to hum aaj bhi hain lekin Na mere dil mein wo tishnagi thi Ki tujh se mil kar kabhi na bichhDun Na aaj tujh mein wo zindagi thi Ki jism-o-jaan mein ubaal aae Na KHwab-zaron mein raushni thi Na meri aankhen charagh ki lau Na tujh mein hi KHud-supurdagi thi Na baat karne ki koi KHwahish Na chup hi mein KHub-surati thi Mujassamon ki tarah the donon Na dosti thi na dushmani thi Mujhe to kuch yun laga hai jaise Wo saaten bhi guzar gai hain Ki jin ko hum la-zawal samjhe Wo KHwahishen bhi to mar gai hain Jo tere mere lahu ki hiddat Ko aaKHirash barf kar gai hain Mohabbaten shauq ki chaTanon Se ghaTiyon mein utar gai hain Wo qurbaten wo judaiyan sab Ghubar ban kar bikhar gai hain Agar ye sab kuch nahin to batla Wo chahaten ab kidhar gai hain