ai mere saare logo ab mire duusre baazuu pe wo shamshiir hai jo

Ab mire doosre baazoo pe wo shamsheer hai jo Is se pahle bhee miraa nisf badan kaaT chukee Usee bandooq kee naalee hai miree samt ki jo Is se pahle miree shah-rag kaa lahoo chaaT chukee Phir vahee aag dar aa.ee hai miree galiyon men Phir mire shahr men baarood kee boo phailee hai Phir se ''too kaun hai main kaun hoon'' aapas men savaal Phir vahee soch miyaan-e-man-o-too phailee hai Miree bastee se pare bhee mire dushman honge Par yahaan kab koi aghyaar kaa lashkar utraa Aashnaa haath hee aksar miree jaanib lapke Mere siine men sadaa apna hee khanjar utraa Phir vahee khauf kee deevaar tazabzub kee fazaa Phir vahee aam huiin ahl-e-riyaa kee baaten Na.ara-e-hubb-e-vatan maal-e-tijaarat kee tarah Jins-e-arzaan kee tarah deen-e-khuda kee baaten Is se pahle bhee to aisi hee ghaDee aa.ee thee Sub.h-e-vahshat kee tarah shaam-e-ghareebaan kee tarah Is se pahle bhee to paimaan-e-wafa TuuTe the Sheesha-e-dil kee tarah aa.eena-e-jaan kee tarah Phir kahaan ahmareen honTon pe duaaon ke diye Phir kahaan shabnameen chehron pe rifaaqat kee ridaa Sandaleen paanv se mastaana-ravee rooth ga.ee Marmareen haathon pe jal-bujh gaya angaar-e-hinaa Dil-nasheen aankhon men furqat-zada kaajal royaa Shaakh-e-baazoo ke liye zulf kaa baadal royaa Misl-e-pairaahan-e-gul phir se badan chaak hue Jaise apnon kee kamaanon men hon aghyaar ke tiir Is se pahle bhee huaa chaand mohabbat kaa do-neem Nok-e-dashna se khichee thee miree dhartee pe lakeer Aaj aisa nahin aisa nahin hone denaa Ai mire sokhta-jaano mire piyaare logo Ab ke gar zalzale aa.e to qayaamat hogee Mere dil-geer mire dard ke maare logo Kisee ghaasib kisee zaalim kisee qaatil ke liye Khud ko taqseem na karnaa mire saare logo Ab mere dusre bazu pe wo shamshir hai jo Is se pahle bhi mera nisf badan kaT chuki Usi banduq ki nali hai meri samt ki jo Is se pahle meri shah-rag ka lahu chaT chuki Phir wahi aag dar aai hai meri galiyon mein Phir mere shahr mein barud ki bu phaili hai Phir se tu kaun hai main kaun hun aapas mein sawal Phir wahi soch miyan-e-man-o-tu phaili hai Meri basti se pare bhi mere dushman honge Par yahan kab koi aghyar ka lashkar utra Aashna hath hi aksar meri jaanib lapke Mere sine mein sada apna hi KHanjar utra Phir wahi KHauf ki diwar tazabzub ki faza Phir wahi aam huin ahl-e-riya ki baaten Nara-e-hubb-e-watan mal-e-tijarat ki tarah Jins-e-arzan ki tarah din-e-KHuda ki baaten Is se pahle bhi to aisi hi ghaDi aai thi Subh-e-wahshat ki tarah sham-e-ghariban ki tarah Is se pahle bhi to paiman-e-wafa TuTe the Shisha-e-dil ki tarah aaina-e-jaan ki tarah Phir kahan ahmarin honTon pe duaon ke diye Phir kahan shabnamin chehron pe rifaqat ki rida Sandalin panw se mastana-rawi ruTh gai Marmarin hathon pe jal-bujh gaya angar-e-hina Dil-nashin aankhon mein furqat-zada kajal roya ShaKH-e-bazu ke liye zulf ka baadal roya Misl-e-pairahan-e-gul phir se badan chaak hue Jaise apnon ki kamanon mein hon aghyar ke tir Is se pahle bhi hua chand mohabbat ka do-nim Nok-e-dashna se khichi thi meri dharti pe lakir Aaj aisa nahin aisa nahin hone dena Ai mere soKHta-jaano mere piyare logo Ab ke gar zalzale aae to qayamat hogi Mere dil-gir mere dard ke mare logo Kisi ghasib kisi zalim kisi qatil ke liye KHud ko taqsim na karna mere sare logo