ai mere vatan ke khush navaao

Ik umr ke ba.ad tum mile ho Ai mere vatan ke khush-navaao Har hijr kaa din tha hashr kaa din Dozakh the firaaq ke alaao Ro.uun ki hansoon samajh na aa.e Haathon men hain phuul dil men ghaao Tum aa.e to saath hee tumhaare BichhDe hue yaar yaad aa.e Ik zakhm pe tum ne haath rakkhaa Aur mujh ko hazaar yaad aa.e Vo saare rafeeq paa-ba-jaulaan Sab kushta-e-daar yaad aa.e Ham sab kaa hai ek hee qabeela Ik dasht ke saare ham-safar hain Kuchh wo hain jo doosron kee khaatir Aashufta-naseeb o dar-ba-dar hain Kuchh wo hain jo khil.at-o-qabaa se Aivaan-e-shahee men mo'tabar hain Suqraat o maseeh ke fasaane Tum bhee to bahut sunaa rahe the Mansoor o husain se aqeedat Tum bhee to bahut jataa rahe the Kahte the sadaaqaten amar hain Auron ko yahee bataa rahe the Aur ab jo hain jaa-ba-jaa saleeben Tum baansuriyaan bajaa rahe ho Aur ab jo hai karbalaa kaa naqsha Tum mad.h-e-yazeed gaa rahe ho Jab sach tah-e-tegh ho raha hai Tum sach se nazar churaa rahe ho Jee chaahtaa hai ki tum se poochhoon Kyaa raaz is ijtinaab men hai Tum itne kaThor to nahin the Ye be-hisee kisee hisaab men hai Tum chup ho to kis tarah se chup ho Jab khalq-e-khuda azaab men hai Socho to tumhen milaa bhee kya hai Ik luqma-e-tar qalam kee qeemat Ghairat ko farokht karne vaalo Ik kaasa-e-zar qalam kee qeemat Pindaar ke taajiro bataao Darbaan kaa dar qalam kee qeemat Naadaan to nahin ho tum ki samjhoon Ghaflat se ye zahr gholte ho Thaame hue maslahat kee meezaan Har sher kaa vazn taulte ho Aise men sukoot, chashm-poshee Aisaa hai ki jhuuT bolte ho Ik umr se adl o sidq kee laash Ghaasib kee saleeb par jaDee hai Is waqt bhee tum ghazal-saraa ho Jab zulm kee har ghaDee kaDee hai Jangal pe lapak rahe hain shole Taa.oos ko raqs kee paDee hai Hai sab ko aziiz koo-e-jaanaan Is raah men sab jiye mare hain Haan meree bayaaz-e-sher men bhee Barbaadi-e-dil ke marsiye hain Main ne bhee kiyaa hai Toot kar ishq Aur ek nahin ka.ee kiye hain Lekin gham-e-aashiqee nahin hai Aisaa jo subuk-saree sikhaa.e Ye gham to wo khush-ma.aal gham hai Jo koh se joo-e-sheer laa.e Teshe kaa hunar qalam ko bakhshe Jo qais ko kohkan banaa.e Ai heela-garaan-e-shahr-e-sheereen Aayaa hoon pahaaD kaaT kar main Hai be-vatanee gavaah meree Har-chand phiraa hoon dar-ba-dar main Bechaa na ghuroor-e-nai-navaazee Aisaa bhee na tha subuk hunar men Tum bhee kabhi ham-navaa the mere Phir aaj tumhen ye kya huaa hai MiTTee ke vaqaar ko na becho Ye ahd-e-sitam jihaad kaa hai Daryooza-garee ke maqbaron se Zindaan kee faseel khushnumaa hai Kab ek hee rut rahi hamesha Ye zulm kee fasl bhee kaTegee Jab harf kahegaa qum-be-iznee Martee huee khaak jee uThegee Lailaa-e-vatan ke pairahan men Baarood kee boo nahin rahegee Phir baandhenge abruon ke dohe Phir mad.h-e-rukh-o-dahan kahenge Thahraa.enge un labon ko matlaa Jaanaan ke liye sukhan kahenge Afsaana-e-yaar o qissa-e-dil Phir anjuman anjuman kahenge Ek umr ke baad tum mile ho Ai mere watan ke KHush-nawao Har hijr ka din tha hashr ka din DozaKH the firaq ke alao Roun ki hansun samajh na aae Hathon mein hain phul dil mein ghao Tum aae to sath hi tumhaare BichhDe hue yar yaad aae Ek zaKHm pe tum ne hath rakkha Aur mujh ko hazar yaad aae Wo sare rafiq pa-ba-jaulan Sab kushta-e-dar yaad aae Hum sab ka hai ek hi qabila Ek dasht ke sare ham-safar hain Kuchh wo hain jo dusron ki KHatir Aashufta-nasib o dar-ba-dar hain Kuchh wo hain jo KHilat-o-qaba se Aiwan-e-shahi mein mo'tabar hain Suqraat o masih ke fasane Tum bhi to bahut suna rahe the Mansur o husain se aqidat Tum bhi to bahut jata rahe the Kahte the sadaqaten amar hain Auron ko yahi bata rahe the Aur ab jo hain ja-ba-ja saliben Tum bansuriyan baja rahe ho Aur ab jo hai karbala ka naqsha Tum madh-e-yazid ga rahe ho Jab sach tah-e-tegh ho raha hai Tum sach se nazar chura rahe ho Ji chahta hai ki tum se puchhun Kya raaz is ijtinab mein hai Tum itne kaThor to nahin the Ye be-hisi kisi hisab mein hai Tum chup ho to kis tarah se chup ho Jab KHalq-e-KHuda azab mein hai Socho to tumhein mila bhi kya hai Ek luqma-e-tar qalam ki qimat Ghairat ko faroKHt karne walo Ek kasa-e-zar qalam ki qimat Pindar ke tajiro batao Darban ka dar qalam ki qimat Nadan to nahin ho tum ki samjhun Ghaflat se ye zahr gholte ho Thame hue maslahat ki mizan Har sher ka wazn taulte ho Aise mein sukut, chashm-poshi Aisa hai ki jhuT bolte ho Ek umr se adl o sidq ki lash Ghasib ki salib par jaDi hai Is waqt bhi tum ghazal-sara ho Jab zulm ki har ghaDi kaDi hai Jangal pe lapak rahe hain shole Taus ko raqs ki paDi hai Hai sab ko aziz ku-e-jaanan Is rah mein sab jiye mare hain Han meri bayaz-e-sher mein bhi Barbaadi-e-dil ke marsiye hain Main ne bhi kiya hai TuT kar ishq Aur ek nahin kai kiye hain Lekin gham-e-ashiqi nahin hai Aisa jo subuk-sari sikhae Ye gham to wo KHush-maal gham hai Jo koh se ju-e-shir lae Teshe ka hunar qalam ko baKHshe Jo qais ko kohkan banae Ai hila-garan-e-shahr-e-shirin Aaya hun pahaD kaT kar main Hai be-watani gawah meri Har-chand phira hun dar-ba-dar main Becha na ghurur-e-nai-nawazi Aisa bhi na tha subuk hunar mein Tum bhi kabhi ham-nawa the mere Phir aaj tumhein ye kya hua hai MiTTi ke waqar ko na becho Ye ahd-e-sitam jihad ka hai Daryuza-gari ke maqbaron se Zindan ki fasil KHushnuma hai Kab ek hi rut rahi hamesha Ye zulm ki fasl bhi kaTegi Jab harf kahega qum-be-izni Marti hui KHak ji uThegi Laila-e-watan ke pairahan mein Barud ki bu nahin rahegi Phir bandhenge abruon ke dohe Phir madh-e-ruKH-o-dahan kahenge Thahraenge un labon ko matla Jaanan ke liye suKHan kahenge Afsana-e-yar o qissa-e-dil Phir anjuman anjuman kahenge