ai mire be dard shahr dil sulag uthtaa hai apne baam o dar ko dekh kar

Dil sulag uThtaa hai apne baam-o-dar ko dekh kar Phailne lagtee hain jab bhee shaam kee parchhaa.iyaan Is qadar veeraan lamhe is qadar sunsaan raat Soch men gum hain ufuq se taa-ufuq pahnaa.iyaan Kis liye raushan karoon deevaar-o-dar koi to ho Gung deevaaron men kya hon anjuman-aaraa.iyaan Duur har shab jaag uThte hain ka.ee maah-o-nujoom Aag bhaDkaatee hain sang-o-khisht kee raa'naa.iyaan Raaston se khvaab-gaahon tak musalsal mauj-e-rang Jis tarah qaus-e-quzah kee TooTtee angDaa.iyaan Zakhm-e-nazzaara liye aankhon men chup taktaa raha Go miree neenden bhee mujh se le uDiin shahnaa.iyaan Kal zaraa see der chamke the mire deevaar-o-dar Jhilmilaa uTThee thiin meree ruuh kee gahraa.iyaan Chand lamhon ke liye lau de uThaa tha ik charaagh Aur damak uTThee thiin kuch lamhe miree tanhaa.iyaan Aaj itnaa shor kyon hai ai mire bedard shahr Har nazar meree taraf hai is qadar rusvaa.iyaan Dil sulag uThta hai apne baam-o-dar ko dekh kar Phailne lagti hain jab bhi sham ki parchhaiyan Is qadar viran lamhe is qadar sunsan raat Soch mein gum hain ufuq se ta-ufuq pahnaiyan Kis liye raushan karun diwar-o-dar koi to ho Gung diwaron mein kya hon anjuman-araiyan Dur har shab jag uThte hain kai mah-o-nujum Aag bhaDkati hain sang-o-KHisht ki ra'naiyan Raston se KHwab-gahon tak musalsal mauj-e-rang Jis tarah qaus-e-quzah ki TuTti angDaiyan ZaKHm-e-nazzara liye aankhon mein chup takta raha Go meri ninden bhi mujh se le uDin shahnaiyan Kal zara si der chamke the mere diwar-o-dar Jhilmila uTThi thin meri ruh ki gahraiyan Chand lamhon ke liye lau de uTha tha ek charagh Aur damak uTThi thin kuch lamhe meri tanhaiyan Aaj itna shor kyon hai ai mere bedard shahr Har nazar meri taraf hai is qadar ruswaiyan