ai nigaar e gul nigaar e gul tujhe wo din bhi yaad hon shaayad

Nigaar-e-gul tujhe wo din bhee yaad hon shaayad Ki jin ke zikr se ab dil pe taaziyaana lage Tiree talab men wo daar-o-rasan ke hangaame Ki jin kee baat karen bhee to ab fasaana lage Ba-qadr-e-zauq jalaate rahe lahoo ke charaagh Ki too jab aa.e to ye ghar nigaar-khaana lage Isee khayaal se har zakhm apne dil pe sahaa Ki tujh ko gardish-e-ayyaam kee havaa na lage Magar jo guzree hai ham par tire husool ke baa'd Vo haal-e-gham bhee kahen gar tujhe buraa na lage Nigaar-e-gul wo hameen the tire tamannaa.ee Ki jin ke Khoon se tire rang taabnaak hue Hameen hain jin se qabaa teree laala-rang huee Hameen hain wo jo tiree rah-guzar men khaak hue Khizaan to khair sitam-keshiyon kee rut thee magar Bahaar men bhee hamaare jigar hee chaak hue Hameen minaara-e-kisraa ko toDne vaale Tire hareem men aa kar hameen halaak hue Nigaar-e-gul ye taqaazaa magar wafa kaa hai Ki ab bhee ham tire vaa'don kaa aitbaar karen Guzar ga.ee jo guzarnee thee sakht-jaanon par Phir aaj teree jafaaon kaa kya shumaar karen Alam-gazeeda sahee pairahan-dareeda sahee Magar labon pe gham-e-dil na aashkaar karen Yahee usuul raha hai wafa-paraston kaa Har ek haal men tauseef-e-husn-e-yaar karen Jabeen se dho ke har ik naqsh naa-muraadee kaa Nigaar-e-gul tire jalvon kaa intizaar karen Nigar-e-gul tujhe wo din bhi yaad hon shayad Ki jin ke zikr se ab dil pe taziyana lage Teri talab mein wo dar-o-rasan ke hangame Ki jin ki baat karen bhi to ab fasana lage Ba-qadr-e-zauq jalate rahe lahu ke charagh Ki tu jab aae to ye ghar nigar-KHana lage Isi KHayal se har zaKHm apne dil pe saha Ki tujh ko gardish-e-ayyam ki hawa na lage Magar jo guzri hai hum par tere husul ke ba'd Wo haal-e-gham bhi kahen gar tujhe bura na lage Nigar-e-gul wo hamin the tere tamannai Ki jin ke KHun se tere rang tabnak hue Hamin hain jin se qaba teri lala-rang hui Hamin hain wo jo teri rah-guzar mein KHak hue KHizan to KHair sitam-keshiyon ki rut thi magar Bahaar mein bhi hamare jigar hi chaak hue Hamin minara-e-kisra ko toDne wale Tere harim mein aa kar hamin halak hue Nigar-e-gul ye taqaza magar wafa ka hai Ki ab bhi hum tere wa'don ka e'tibar karen Guzar gai jo guzarni thi saKHt-jaanon par Phir aaj teri jafaon ka kya shumar karen Alam-gazida sahi pairahan-darida sahi Magar labon pe gham-e-dil na aashkar karen Yahi usul raha hai wafa-paraston ka Har ek haal mein tausif-e-husn-e-yar karen Jabin se dho ke har ek naqsh na-muradi ka Nigar-e-gul tere jalwon ka intizar karen