bhalii sii ek shakl thii bhale dinon ki baat hai

Bhale dinon kee baat hai Bhalee see ek shakl thee Na ye ki husn-e-taam ho Na dekhne men aam see Na ye ki wo chale to kahkashaan see rahguzar lage Magar wo saath ho to phir bhalaa bhalaa safar lage Koee bhee rut ho us kee chhab Fazaa kaa rang-roop thee Vo garmiyon kee Chaaon thee Vo sardiyon kee dhoop thee Na muddaton judaa rahe Na saath sub.h-o-shaam ho Na rishta-e-wafa pe zid Na ye ki izn-e-aam ho Na aisi khush-libaasiyaan Ki saadgee gila kare Na itnee be-takallufee Ki aa.ina hayaa kare Na ikhtilaat men wo ram Ki bad-maza hon khvaahishen Na is qadar supurdagee Ki zach karen navaazishen Na aashiqee junoon kee Ki zindagee azaab ho Na is qadar kaThor-pan Ki dostee kharaab ho Kabhee to baat bhee khafee Kabhee sukoot bhee sukhan Kabhee to kisht-e-za.afaraan Kabhee udaasiyon kaa ban Sunaa hai ek umr hai Muaamalaat-e-dil kee bhee Visaal-e-jaan-fazaa,n to kya Firaaq-e-jaangusil kee bhee So ek roz kya huaa Vafaa pe bahs chhiD ga.ee Main ishq ko amar kahoon Vo meree zid se chiD ga.ee Main ishq kaa asiir tha Vo ishq ko qafas kahe Ki umr bhar ke saath ko Vo bad-tar-az-havas kahe Shajar hajar nahin ki ham Hamesha paa-ba-gil rahen Na Dhor hain ki rassiyaan Gale men mustaqil rahen Mohabbaton kee vus.aten Hamaare dast-o-paa men hain Bas ek dar se nisbaten Sagaan-e-baa-wafa men hain Main koi panting nahin Ki ik frame men rahoon Vahee jo man kaa miit ho Usee ke prem men rahoon Tumhaaree soch jo bhee ho Main us mizaaj kee nahin Mujhe wafa se bair hai Ye baat aaj kee nahin Na us ko mujh pe maan tha Na mujh ko us pe zo.am hee Jo ahd hee koi na ho To kya gham-e-shikastagee So apna apna raasta Hansee-khushee badal diyaa Vo apnee raah chal paDee Main apnee raah chal diyaa Bhalee see ek shakl thee Bhalee see us kee dostee Ab us kee yaad raat din Naheen, magar kabhi kabhi Bhale dinon ki baat hai Bhali si ek shakl thi Na ye ki husn-e-tam ho Na dekhne mein aam si Na ye ki wo chale to kahkashan si rahguzar lage Magar wo sath ho to phir bhala bhala safar lage Koi bhi rut ho us ki chhab Faza ka rang-rup thi Wo garmiyon ki chhanw thi Wo sardiyon ki dhup thi Na muddaton juda rahe Na sath subh-o-sham ho Na rishta-e-wafa pe zid Na ye ki izn-e-am ho Na aisi KHush-libasiyan Ki sadgi gila kare Na itni be-takallufi Ki aaina haya kare Na iKHtilat mein wo ram Ki bad-maza hon KHwahishen Na is qadar supurdagi Ki zach karen nawazishen Na aashiqi junun ki Ki zindagi azab ho Na is qadar kaThor-pan Ki dosti KHarab ho Kabhi to baat bhi KHafi Kabhi sukut bhi suKHan Kabhi to kisht-e-zafaran Kabhi udasiyon ka ban Suna hai ek umr hai Muamalat-e-dil ki bhi Visal-e-jaan-faza,n to kya Firaq-e-jaangusil ki bhi So ek roz kya hua Wafa pe bahs chhiD gai Main ishq ko amar kahun Wo meri zid se chiD gai Main ishq ka asir tha Wo ishq ko qafas kahe Ki umr bhar ke sath ko Wo bad-tar-az-hawas kahe Shajar hajar nahin ki hum Hamesha pa-ba-gil rahen Na Dhor hain ki rassiyan Gale mein mustaqil rahen Mohabbaton ki wusaten Hamare dast-o-pa mein hain Bas ek dar se nisbaten Sagan-e-ba-wafa mein hain Main koi panting nahin Ki ek frame mein rahun Wahi jo man ka mit ho Usi ke prem mein rahun Tumhaari soch jo bhi ho Main us mizaj ki nahin Mujhe wafa se bair hai Ye baat aaj ki nahin Na us ko mujh pe man tha Na mujh ko us pe zoam hi Jo ahd hi koi na ho To kya gham-e-shikastagi So apna apna rasta Hansi-KHushi badal diya Wo apni rah chal paDi Main apni rah chal diya Bhali si ek shakl thi Bhali si us ki dosti Ab us ki yaad raat din Nahin, magar kabhi kabhi