dost ban kar bhi nahin saath nibhaane vaalaa

Dost ban kar bhee nahin saath nibhaane vaalaa Vahee andaaz hai zaalim kaa zamaane vaalaa Ab use log samajhte hain giraftaar miraa Sakht naadim hai mujhe daam men laane vaalaa Sub.h-dam chhoD gaya nik.hat-e-gul kee soorat Raat ko ghuncha-e-dil men simaT aane vaalaa Kya kahen kitne maraasim the hamaare us se Wo jo ik shakhs hai munh pher ke jaane vaalaa Tere hote hue aa jaatee thee saaree Dunya Aaj tanhaa hoon to koi nahin aane vaalaa Muntazir kis kaa hoon TuuTee huee dahleez pe main Kaun aa.egaa yahaan kaun hai aane vaalaa Kya khabar thee jo miree jaan men ghulaa hai itnaa Hai vahee mujh ko sar-e-daar bhee laane vaalaa Main ne dekhaa hai bahaaron men chaman ko jalte Hai koi khvaab kee taabeer bataane vaalaa Tum takalluf ko bhee ikhlaas samajhte ho 'faraaz' Dost hota nahin har haath milaane vaalaa