dostii kaa haath guzar gae kaii mausam kaii ruten badliin

Guzar ga.e ka.ee mausam ka.ee ruten badleen Udaas tum bhee ho yaaro udaas ham bhee hain Faqat tumheen ko nahin ranj-e-chaak-daamaanee Ki sach kahen to dareeda-libaas ham bhee hain Tumhaare baam kee sham.en bhee taabnaak nahin Mire falak ke sitaare bhee zard zard se hain Tumhaare aa.ina-khaane bhee zang-aalooda Mire suraahee o saaghar bhee gard gard se hain Na tum ko apne khad-o-khaal hee nazar aa.en Na main ye dekh sakoon jaam men bharaa kya hai Basaaraton pe wo jaale paDe ki donon ko Samajh men kuch nahin aataa ki maajraa kya hai Na sarv men wo ghuroor-e-kasheeda-qaamatee hai Na qumriyon kee udaasee men kuch kamee aa.ee Na khil sake kisee jaanib mohabbaton ke gulaab Na shaakh-e-amn liye faakhta koi aa.ee Tumhen bhee zid hai ki mashq-e-sitam rahe jaaree Hamen bhee naaz ki jaur-o-jafaa ke aadee hain Tumhen bhee zo.am mahaa-bhaartaa laDee tum ne Hamen bhee fakhr ki ham karbalaa ke aadee hain Sitam to ye hai ki donon ke margh-zaaron se Havaa-e-fitna o boo-e-fasaad aatee hai Alam to ye hai ki donon ko vahm hai ki bahaar Adoo ke khuun men nahaane ke ba.ad aatee hai To ab ye haal huaa is darindagee ke sabab Tumhaare paanv salaamat rahe na haath mire Na jiit jiit tumhaaree na haar haar miree Na koi saath tumhaare na koi saath mire Hamaare shahron kee majboor o be-navaa makhlooq Dabee huee hai dukhon ke hazaar Dheron men Ab un kee teera-naseebee charaagh chaahtee hai Jo log nisf sadee tak rahe andheron men Charaagh jin se mohabbat kee raushnee phaile Charaagh jin se dilon ke dayaar raushan hon Charaagh jin se ziyaa amn-o-aashtee kee mile Charaagh jin se diye be-shumaar raushan huun Tumhaare des men aayaa huun dosto ab ke Na saaz-o-naghma kee mahfil na shaa.iree ke liye Agar tumhaaree anaa hee kaa hai savaal to phir Chalo main haath baDhaataa huun dostee ke liye Guzar gae kai mausam kai ruten badlin Udas tum bhi ho yaro udas hum bhi hain Faqat tumhin ko nahin ranj-e-chaak-damani Ki sach kahen to darida-libas hum bhi hain Tumhaare baam ki shamen bhi tabnak nahin Mere falak ke sitare bhi zard zard se hain Tumhaare aaina-KHane bhi zang-aluda Mere surahi o saghar bhi gard gard se hain Na tum ko apne KHad-o-KHal hi nazar aaen Na main ye dekh sakun jam mein bhara kya hai Basaraton pe wo jale paDe ki donon ko Samajh mein kuch nahin aata ki majra kya hai Na sarw mein wo ghurur-e-kashida-qamati hai Na qumriyon ki udasi mein kuch kami aai Na khil sake kisi jaanib mohabbaton ke gulab Na shaKH-e-amn liye faKHta koi aai Tumhein bhi zid hai ki mashq-e-sitam rahe jari Hamein bhi naz ki jaur-o-jafa ke aadi hain Tumhein bhi zoam maha-bhaarta laDi tum ne Hamein bhi faKHr ki hum karbala ke aadi hain Sitam to ye hai ki donon ke margh-zaron se Hawa-e-fitna o bu-e-fasad aati hai Alam to ye hai ki donon ko wahm hai ki bahaar Adu ke KHun mein nahane ke baad aati hai To ab ye haal hua is darindagi ke sabab Tumhaare panw salamat rahe na hath mere Na jit jit tumhaari na haar haar meri Na koi sath tumhaare na koi sath mere Hamare shahron ki majbur o be-nawa maKHluq Dabi hui hai dukhon ke hazar Dheron mein Ab un ki tira-nasibi charagh chahti hai Jo log nisf sadi tak rahe andheron mein Charagh jin se mohabbat ki raushni phaile Charagh jin se dilon ke dayar raushan hon Charagh jin se ziya amn-o-ashti ki mile Charagh jin se diye be-shumar raushan hun Tumhaare des mein aaya hun dosto ab ke Na saz-o-naghma ki mahfil na shairi ke liye Agar tumhaari ana hi ka hai sawal to phir Chalo main hath baDhata hun dosti ke liye