dukh fasaana nahin ki tujh se kahen

Dukh fasaana nahin ki tujh se kahen Dil bhee maanaa nahin ki tujh se kahen Aaj tak apnee bekalee kaa sabab Khud bhee jaanaa nahin ki tujh se kahen Be-tarah haal-e-dil hai aur tujh se Dostaana nahin ki tujh se kahen Ek too harf-e-aashnaa thaa magar Ab zamaana nahin ki tujh se kahen Qaasidaa ham faqeer logon kaa Ik Thikaana nahin ki tujh se kahen Ai khuda dard-e-dil hai bakhshish-e-dost Aab-o-daana nahin ki tujh se kahen Ab to apna bhee us galee men 'faraaz' Aanaa jaanaa nahin ki tujh se kahen