gul shuda sham on kaa maatam na karo umr guzri hai sajaate hue baam o dar ko

'umr guzree hai sajaate hue baam-o-dar ko Is tamannaa pe ki wo jaan-e-bahaar aa.egee Farsh-e-rah deeda-o-dil the ki wo aasooda-khiraam Dard kee aag ko gulzaar banaa jaa.egee Is tavaqqo' pe kharaabe rahe aaghosh-kushaa Khul ke barsegee agar ab ke ghaTaa chhaa.egee Ek ik lamha qayaamat kee tarah guzraa hai Aakhir-e-kaar wo mahboob nazar bhee aa.ee Muntazir aankhen to pathraa hee chukee thiin lekin Kushtagaan-e-shab-e-furqat kee sahar bhee aa.ee Jism kyon shal hain dhaDakte hue dil kyon chup hain Jaras-e-gul kee to awaaz idhar bhee aa.ee Aaj phir karte ho kis zo'm pe zakhmon kaa shumaar Sar-phiro vaadee-e-pur-khaar men ye to hogaa Kyon nigaahon men hai afsurda charaaghon kaa dhuaan Aarzoo-e-lab-o-rukhsaar men ye to hogaa Ek se ek kaDee manzil-e-jaan aa.egee Rahguzaar-e-talab-e-yaar men ye to hogaa HonT sil jaa.en magar jur.at-e-iz.haar rahe Dil kee awaaz ko maddham na karo deevaano Dhal chukee raat to ab kohr bhee chhaT jaa.egee Ab bhee ummeed kee lau kam na karo deevaano Aandhiyaan aayaa hee kartee hain har ik habs ke baa'd Gul-shuda sham'on kaa maatam na karo deevaano 'umr guzri hai sajate hue baam-o-dar ko Is tamanna pe ki wo jaan-e-bahaar aaegi Farsh-e-rah dida-o-dil the ki wo aasuda-KHiram Dard ki aag ko gulzar bana jaegi Is tawaqqo' pe KHarabe rahe aaghosh-kusha Khul ke barsegi agar ab ke ghaTa chhaegi Ek ek lamha qayamat ki tarah guzra hai AaKHir-e-kar wo mahbub nazar bhi aai Muntazir aankhen to pathra hi chuki thin lekin Kushtagan-e-shab-e-furqat ki sahar bhi aai Jism kyon shal hain dhaDakte hue dil kyon chup hain Jaras-e-gul ki to aawaz idhar bhi aai Aaj phir karte ho kis zo'm pe zaKHmon ka shumar Sar-phiro wadi-e-pur-KHar mein ye to hoga Kyon nigahon mein hai afsurda charaghon ka dhuan Aarzu-e-lab-o-ruKHsar mein ye to hoga Ek se ek kaDi manzil-e-jaan aaegi Rahguzar-e-talab-e-yar mein ye to hoga HonT sil jaen magar jurat-e-izhaar rahe Dil ki aawaz ko maddham na karo diwano Dhal chuki raat to ab kohr bhi chhaT jaegi Ab bhi ummid ki lau kam na karo diwano Aandhiyan aaya hi karti hain har ek habs ke ba'd Gul-shuda sham'on ka matam na karo diwano