har koi dil ki hathelii pe hai sahraa rakkhe

Har koee dil kee hathelee pe hai sahraa rakkhe Kis ko sairaab kare wo kise pyaasaa rakkhe Umr bhar kaun nibhaataa hai ta.alluq itnaa Ai miree jaan ke dushman tujhe allaah rakkhe Ham ko achchhaa naheen lagtaa koee hamnaam tiraa Koee tujh saa ho to phir naam bhee tujh saa rakkhe Dil bhee paagal hai ki us shakhs se vaabasta hai Jo kisee aur kaa hone de na apna rakkhe Kam naheen tama-e-ibaadat bhee to hirs-e-zar se Faqr to wo hai ki jo diin na Dunya rakkhe Hans na itnaa bhee faqeeron ke akele-pan par Jaa khuda meree tarah tujh ko bhee tanhaa rakkhe Ye qanaa.at hai itaa.at hai ki chaahat hai 'faraaz' Ham to raazee hain wo jis haal men jaisaa rakkhe