hitch hiker

Main ki do roz kaa mehmaan tire shahr men tha Ab chalaa hoon to koi faisla kar bhee na sakaa Zindagee kee ye ghaDee TooTtaa pul ho jaise Ki Thahar bhee na sakoon aur guzar bhee na sakoon Mehrbaan hain tiree aankhen magar ai moonis-e-jaan In se har zakhm-e-tamannaa to nahin bhar saktaa Aisee be-naam masaafat ho to manzil kaisee Koee bastee ho baseraa hee nahin kar saktaa Ek muddat huee lailaa-e-vatan se bichhDe Ab bhee riste hain magar zakhm puraane mere Jab se sarsar mire gulshan men chalee hai tab se Barg-e-aavaara kee maanind Thikaane mere Aaj is shahr kal us shahr kaa rasta lenaa Haa.e kya chiiz ghareeb-ul-vatanee hotee hai Ye safar itnaa musalsal hai ki thak haar ke bhee BaiTh jaataa hoon jahaan Chaaon ghanee hotee hai Too bhee aisa hee dil-aaraam shajar hai jis ne Mujh ko is dasht-e-qayaamat se bachaa.e rakhaa Ek aashufta-sar o aabla-paa kee khaatir Kabhee zulfon kabhi palkon ko bichhaa.e rakhaa Dukh to har waqt ta.aaqub men raha karte hain Yuun panaahon men kahaan tak koi rah saktaa hai Kab talak ret kee deevaar sambhaale koi Vo thakan hai ki meraa jism bhee Dah saktaa hai Ajnabee log na.e log paraa.ee galiyaan Zindagee aaise qaraa.in men kaTegee kaise Teree chaahat bhee muqaddas teree qurbat bhee bahisht Des paradesh kee tafreeq ghaTegee kaise Naa-guzeer aaj huaa jaise bichhaDnaa apna Kal kisee roz mulaaqaat bhee imkaan men hai Main ye pairaahan-e-jaan kaise badal saktaa hoon Ki tiraa haath mere dil ke garebaan men hai Main ki do roz ka mehman tere shahr mein tha Ab chala hun to koi faisla kar bhi na saka Zindagi ki ye ghaDi TuTta pul ho jaise Ki Thahar bhi na sakun aur guzar bhi na sakun Mehrban hain teri aankhen magar ai munis-e-jaan In se har zaKHm-e-tamanna to nahin bhar sakta Aisi be-nam masafat ho to manzil kaisi Koi basti ho basera hi nahin kar sakta Ek muddat hui laila-e-watan se bichhDe Ab bhi riste hain magar zaKHm purane mere Jab se sarsar mere gulshan mein chali hai tab se Barg-e-awara ki manind Thikane mere Aaj is shahr kal us shahr ka rasta lena Hae kya chiz gharib-ul-watani hoti hai Ye safar itna musalsal hai ki thak haar ke bhi BaiTh jata hun jahan chhanw ghani hoti hai Tu bhi aisa hi dil-aram shajar hai jis ne Mujh ko is dasht-e-qayamat se bachae rakha Ek aashufta-sar o aabla-pa ki KHatir Kabhi zulfon kabhi palkon ko bichhae rakha Dukh to har waqt taaqub mein raha karte hain Yun panahon mein kahan tak koi rah sakta hai Kab talak ret ki diwar sambhaale koi Wo thakan hai ki mera jism bhi Dah sakta hai Ajnabi log nae log parai galiyan Zindagi aaise qarain mein kaTegi kaise Teri chahat bhi muqaddas teri qurbat bhi bahisht Des paradesh ki tafriq ghaTegi kaise Na-guzir aaj hua jaise bichhaDna apna Kal kisi roz mulaqat bhi imkan mein hai Main ye pairahan-e-jaan kaise badal sakta hun Ki tera hath mere dil ke gareban mein hai