huii hai shaam to aankhon men bas gaya phir tuu

Huee hai shaam to aankhon men bas gaya phir too Kahaan gaya hai mire shahr ke musaafir too Miree misaal ki ik nakhl-e-khushk-e-sahraa hoon Tiraa khayaal ki shaakh-e-chaman kaa taa.ir too Main jaantaa hoon ki Dunya tujhe badal degee Main maantaa hoon ki aisa naheen ba-zaahir too Hansee-khushee se bichhaD jaa agar bichhaDnaa hai Ye har maqaam pe kya sochtaa hai aakhir too Fazaa udaas hai rut muzmahil hai main chup hoon Jo ho sake to chalaa aa kisee kee khaatir too 'faraaz' too ne use mushkilon men Daal diyaa Zamaana saahab-e-zar aur sirf shaa.er too