is qadar musalsal thiin shiddaten judaaii ki

Is qadar musalsal thiin shiddaten judaa.ee kee Aaj pahlee baar us se main ne bevafaa.ee kee Varna ab talak yuun thaa khvaahishon kee baarish men Yaa to Toot kar royaa yaa ghazal-saraa.ee kee Taj diyaa thaa kal jin ko ham ne teree chaahat men Aaj un se majbooran taaza aashnaa.ee kee Ho chalaa thaa jab mujh ko ikhtilaaf apne se Too ne kis ghaDee zaalim meree ham-navaa.ee kee Tark kar chuke qaasid koo-e-naa-muraadaan ko Kaun ab khabar laave shahr-e-aashnaa.ee kee Tanz o ta.ana o tohmat sab hunar hain naaseh ke Aap se koi poochhe ham ne kya buraa.ee kee Phir qafas men shor uTThaa qaidiyon kaa aur sayyaad Dekhnaa uDaa degaa phir khabar rihaa.ee kee Dukh huaa jab us dar par kal 'faraaz' ko dekhaa Laakh aib the us men khoo na thee gadaa.ee kee