jis samt bhi dekhuun nazar aataa hai ki tum ho

Jis samt bhee dekhoon nazar aataa hai ki tum ho Ai jaan-e-jahaan ye koi tum saa hai ki tum ho Ye khvaab hai khushboo hai ki jhonkaa hai ki pal hai Ye dhund hai baadal hai ki saayaa hai ki tum ho Is diid kee saa.at men ka.ee rang hain larzaan Main hoon ki koi aur hai Dunya hai ki tum ho Dekho ye kisee aur kee aankhen hain ki meree Dekhoon ye kisee aur kaa chehra hai ki tum ho Ye umr-e-gurezaan kaheen Thahre to ye jaanoon Har saans men mujh ko yahee lagtaa hai ki tum ho Har bazm men mauzoo-e-sukhan dil-zadagaan kaa Ab kaun hai sheereen hai ki lailaa hai ki tum ho Ik dard kaa phailaa huaa sahraa hai ki main hoon Ik mauj men aayaa huaa Dariya hai ki tum ho Wo vaqt na aa.e ki dil-e-zaar bhee soche Is shahr men tanhaa koi ham saa hai ki tum ho Aabaad ham aashufta-saron se nahin maqtal Ye rasm abhee shahr men zinda hai ki tum ho Ai jaan-e-'faraaz' itnee bhee taufeeq kise thee Ham ko gham-e-hastee bhee gavaaraa hai ki tum ho