juz tire koi bhi din raat na jaane mere

Juz tire koi bhee din raat na jaane mere Too kahaan hai magar ai dost puraane mere Too bhee khushboo hai magar meraa tajassus bekaar Barg-e-aavaara kee maanind Thikaane mere Sham.a kee lau thee ki wo too thaa magar hijr kee raat Der tak rotaa raha koi sirhaane mere Khalq kee be-khabaree hai ki miree rusvaa.ee Log mujh ko hee sunaate hain fasaane mere LuT ke bhee khush hoon ki ashkon se bharaa hai daaman Dekh ghaarat-gar-e-dil ye bhee khazaane mere Aaj ik aur baras biit gaya us ke baghair Jis ke hote hue hote the zamaane mere Kaash too bhee meree awaaz kaheen suntaa ho Phir pukaaraa hai tujhe dil kee sadaa ne mere Kaash too bhee kabhi aa jaa.e maseehaa.ee ko Log aate hain bahut dil ko dukhaane mere Kaash auron kee tarah main bhee kabhi kah saktaa Baat sun lee hai miree aaj khuda ne mere Too hai kis haal men ai zood-faraamosh mire Mujh ko to chheen liyaa ahd-e-wafa ne mere Chaaraa-gar yuun to bahut hain magar ai jaan-e-'faraaz' Juz tire aur koi zakhm na jaane mere