kaniiz

Huzoor aap aur nisf shab mire makaan par Huzoor kee tamaam-tar balaa.en meree jaan par Huzoor khairiyat to hai huzoor kyuun khamosh hain Huzoor boliye ki vasvase vabaal-e-hosh hain Huzoor honT is tarah se kapkapaa rahe hain kyuun Huzoor aap har qadam pe laD-khDaa rahe hain kyuun Huzoor aap kee nazar men niind kaa khumaar hai Huzoor shaayad aaj dushmanon ko kuch bukhaar hai Huzoor muskuraa rahe hain meree baat baat par Huzoor ko na jaane kya gumaan hai meree zaat par Huzoor munh se ba rahi hai piik saaf keejiye Huzoor aap to nashe men hain muaaf keejiye Huzoor kya kahaa main aap ko bahut aziiz hoon Huzoor kaa karam hai varna main bhee koi chiiz hoon Huzoor chhoDiye hamen hazaar aur rog hain Huzoor jaa.iye ki ham bahut ghareeb log hain Huzur aap aur nisf shab mere makan par Huzur ki tamam-tar balaen meri jaan par Huzur KHairiyat to hai huzur kyun KHamosh hain Huzur boliye ki waswase wabaal-e-hosh hain Huzur honT is tarah se kapkapa rahe hain kyun Huzur aap har qadam pe laD-khDa rahe hain kyun Huzur aap ki nazar mein nind ka KHumar hai Huzur shayad aaj dushmanon ko kuch buKHar hai Huzur muskura rahe hain meri baat baat par Huzur ko na jaane kya guman hai meri zat par Huzur munh se ba rahi hai pik saf kijiye Huzur aap to nashe mein hain muaf kijiye Huzur kya kaha main aap ko bahut aziz hun Huzur ka karam hai warna main bhi koi chiz hun Huzur chhoDiye hamein hazar aur rog hain Huzur jaiye ki hum bahut gharib log hain