kar gae kuuch kahaan

Itnee muddat dil-e-aavaara kahaan tha ki tujhe Apne hee ghar ke dar-o-baam bhulaa baiThe hain Yaad yaaron ne to kab harf-e-mohabbat rakkhaa Ghair bhee ta.ana o dushnaam bhulaa baiThe hain To samajhtaa tha ki ye dar-badaree kaa aalam Duur deson kee inaayat tha so ab khatm huaa Too ne jaanaa tha ki aashufta-saree kaa mausam Dasht-e-ghurbat kee vadee.at tha so ab khatm huaa Ab jo too shahr-e-nigaaraan men qadam rakkhegaa Har taraf khilte chale jaa.enge chehron ke gulaab Dost-ahbaab tire naam ke Takraa.enge jaam Ghair-aghyaar chukaa.enge raqaabat ke hisaab Jab bhee gaa.egee koi ghairat-e-naaheed ghazal Sab ko aa.egaa nazar sho.ala-e-awaaz men too Jab bhee saaqee ne suraahee ko diyaa izn-e-khiraam Bazm kee bazm pukaaregee ki aaghaaz men too Maa.en rakkhengee tire naam pe aulaad kaa naam Baap beTon ke liye teree bayaazen lenge Jin pe qadghan hai wo ash.aar paDhegee khilqat Aur TuuTe hue dil tujh ko salaamee denge Log ulfat ke khilaune liye bachchon kee tarah Kal ke rooThe hue yaaron ko manaa laa.enge Lafz ko bechne vaale na.e baazaaron men Ghairat harf ko laate hue sharmaa.enge Lekin aisa nahin aisa nahin ai dil ai dil Ye tiraa des ye tere dar-o-deevaar nahin Itne yoosuf to na the misr ke baazaar men bhee Jins is darja hai vaafir ki khareedaar nahin Sar kisee kaa bhee dikhaa.ee nahin deta hai yahaan Jism hee jism hain dastaaren hee dastaaren hain Too kisee qarya-e-zindaan men hai shaayad ki jahaan Tauq hee tauq hain deevaaren hee deevaaren hain Ab na tiflaan ko khabar hai kisee deevaane kee Aur na awaaz ki ''o chaak garebaan vaale'' Na kisee haath men patthar na kisee haath men phuul Kar ga.e kuuch kahaan koocha-e-jaanaan vaale Itni muddat dil-e-awara kahan tha ki tujhe Apne hi ghar ke dar-o-baam bhula baiThe hain Yaad yaron ne to kab harf-e-mohabbat rakkha Ghair bhi tana o dushnam bhula baiThe hain To samajhta tha ki ye dar-badari ka aalam Dur deson ki inayat tha so ab KHatm hua Tu ne jaana tha ki aashufta-sari ka mausam Dasht-e-ghurbat ki wadiat tha so ab KHatm hua Ab jo tu shahr-e-nigaran mein qadam rakkhega Har taraf khilte chale jaenge chehron ke gulab Dost-ahbab tere nam ke Takraenge jam Ghair-aghyar chukaenge raqabat ke hisab Jab bhi gaegi koi ghairat-e-nahid ghazal Sab ko aaega nazar shoala-e-awaz mein tu Jab bhi saqi ne surahi ko diya izn-e-KHiram Bazm ki bazm pukaregi ki aaghaz mein tu Maen rakkhengi tere nam pe aulad ka nam Bap beTon ke liye teri bayazen lenge Jin pe qadghan hai wo ashaar paDhegi KHilqat Aur TuTe hue dil tujh ko salami denge Log ulfat ke khilaune liye bachchon ki tarah Kal ke ruThe hue yaron ko mana laenge Lafz ko bechne wale nae bazaron mein Ghairat harf ko late hue sharmaenge Lekin aisa nahin aisa nahin ai dil ai dil Ye tera des ye tere dar-o-diwar nahin Itne yusuf to na the misr ke bazar mein bhi Jins is darja hai wafir ki KHaridar nahin Sar kisi ka bhi dikhai nahin deta hai yahan Jism hi jism hain dastaren hi dastaren hain Tu kisi qarya-e-zindan mein hai shayad ki jahan Tauq hi tauq hain diwaren hi diwaren hain Ab na tiflan ko KHabar hai kisi diwane ki Aur na aawaz ki o chaak gareban wale Na kisi hath mein patthar na kisi hath mein phul Kar gae kuch kahan kucha-e-jaanan wale