main aur tuu

Roz jab dhoop pahaaDon se utarne lagtee Koee ghaTtaa huaa baDhtaa huaa bekal saaya Ek deevaar se kahtaa ki mire saath chalo Aur zanjeer-e-rifaaqat se gurezaan deevaar Apne pindaar ke nashshe men sadaa istaada Khvaahish-e-hamdam-e-dereena pe hans detee thee Kaun deevaar kisee saa.e ke ham-raah chalee Kaun deevaar hamesha magar istaada rahi Vaqt deevaar kaa saathee hai na saa.e kaa rafeeq Aur ab sang-o-gil-o-khisht ke malbe ke tale Usee deevaar kaa pindaar hai reza reza Dhuup niklee hai magar jaane kahaan hai saaya Roz jab dhup pahaDon se utarne lagti Koi ghaTta hua baDhta hua bekal saya Ek diwar se kahta ki mere sath chalo Aur zanjir-e-rifaqat se gurezan diwar Apne pindar ke nashshe mein sada istada KHwahish-e-hamdam-e-derina pe hans deti thi Kaun diwar kisi sae ke ham-rah chali Kaun diwar hamesha magar istada rahi Waqt diwar ka sathi hai na sae ka rafiq Aur ab sang-o-gil-o-KHisht ke malbe ke tale Usi diwar ka pindar hai reza reza Dhup nikli hai magar jaane kahan hai saya