muhaasara mire ganiim ne mujh ko payaam bhejaa hai

Mire ghaneem ne mujh ko payaam bhejaa hai Ki halqa-zan hain mire gird lashkaree us ke Faseel-e-shahr ke har burj har manaare par Kamaan-ba-dast sitaada hain askaree us ke Vo barq lahar bujhaa dee ga.ee hai jis kee tapish Vajood-e-khaak men aatish-fishaan jagaatee thee Bichhaa diyaa gaya baarood us ke paanee men Vo joo-e-aab jo meree galee ko aatee thee Sabhee dureeda-dahan ab badan-dareeda hue Supurd-e-daar-o-rasan saare sar-kasheeda hue Tamaam suufee o saalik sabhee shuyookh o imaam Umeed-e-lutf pe aivaan-e-kaj-kulaah men hain Mo.azzazeen-e-adaalat bhee half uThaane ko Misaal-e-saa.il-e-mubarram nashista raah men hain Tum ahl-e-harf ki pindaar ke sanaa-gar the Vo aasmaan-e-hunar ke nujoom saamne hain Bas ik musaahib-e-darbaar ke ishaare par Gadaa-garaan-e-sukhan ke hujoom saamne hain Qalandaraan-e-wafa kee asaas to dekho Tumhaare saath hai kaun aas-paas to dekho So shart ye hai jo jaan kee amaan chaahte ho To apne lauh-o-qalam qatl-gaah men rakh do Vagarna ab ke nishaana kamaan-daaron kaa Bas ek tum ho so ghairat ko raah men rakh do Ye shart-naama jo dekhaa to elchee se kahaa Use khabar nahin taareekh kya sikhaatee hai Ki raat jab kisee khursheed ko shaheed kare To sub.h ik nayaa suraj taraash laatee hai So ye javaab hai meraa mire adoo ke liye Ki mujh ko hirs-e-karam hai na khauf-e-khamyaaza Use hai satvat-e-shamsheer par ghamanD bahut Use shikoh-e-qalam kaa nahin hai andaaza Miraa qalam nahin kirdaar us muhaafiz kaa Jo apne shahr ko mahsoor kar ke naaz kare Miraa qalam nahin kaasa kisee subuk-sar kaa Jo ghaasibon ko qaseedon se sarfaraaz kare Miraa qalam nahin auzaar us naqab-zan kaa Jo apne ghar kee hee chhat men shigaaf Daaltaa hai Miraa qalam nahin us duzd-e-neem-shab kaa rafeeq Jo be-charaagh gharon par kamand uchhaaltaa hai Miraa qalam nahin tasbeeh us maballigh kee Jo bandagee kaa bhee har dam hisaab rakhtaa hai Miraa qalam nahin meezaan aise aadil kee Jo apne chehre pe dohraa naqaab rakhtaa hai Miraa qalam to amaanat hai mere logon kee Miraa qalam to adaalat mire zameer kee hai Isee liye to jo likkhaa tapaak-e-jaan se likhaa Jabhee to loch kamaan kaa zabaan tiir kee hai Main kaT giroon ki salaamat rahoon yaqeen hai mujhe Ki ye hisaar-e-sitam koi to giraa.egaa Tamaam umr kee eezaa-naseebiyon kee qasam Mire qalam kaa safar raa.egaan na jaa.egaa Sarisht-e-ishq ne uftaadgee nahin paa.ee Too qadd-e-sarv na biinee o saaya-paimaa.ee Mere ghanim ne mujh ko payam bheja hai Ki halqa-zan hain mere gird lashkari us ke Fasil-e-shahr ke har burj har manare par Kaman-ba-dast sitada hain askari us ke Wo barq lahar bujha di gai hai jis ki tapish Wajud-e-KHak mein aatish-fishan jagati thi Bichha diya gaya barud us ke pani mein Wo ju-e-ab jo meri gali ko aati thi Sabhi durida-dahan ab badan-darida hue Supurd-e-dar-o-rasan sare sar-kashida hue Tamam sufi o salik sabhi shuyuKH o imam Umid-e-lutf pe aiwan-e-kaj-kulah mein hain Moazzazin-e-adalat bhi half uThane ko Misal-e-sail-e-mubarram nashista rah mein hain Tum ahl-e-harf ki pindar ke sana-gar the Wo aasman-e-hunar ke nujum samne hain Bas ek musahib-e-darbar ke ishaare par Gada-garan-e-suKHan ke hujum samne hain Qalandaran-e-wafa ki asas to dekho Tumhaare sath hai kaun aas-pas to dekho So shart ye hai jo jaan ki aman chahte ho To apne lauh-o-qalam qatl-gah mein rakh do Wagarna ab ke nishana kaman-daron ka Bas ek tum ho so ghairat ko rah mein rakh do Ye shart-nama jo dekha to elchi se kaha Use KHabar nahin tariKH kya sikhati hai Ki raat jab kisi KHurshid ko shahid kare To subh ek naya suraj tarash lati hai So ye jawab hai mera mere adu ke liye Ki mujh ko hirs-e-karam hai na KHauf-e-KHamyaza Use hai satwat-e-shamshir par ghamanD bahut Use shikoh-e-qalam ka nahin hai andaza Mera qalam nahin kirdar us muhafiz ka Jo apne shahr ko mahsur kar ke naz kare Mera qalam nahin kasa kisi subuk-sar ka Jo ghasibon ko qasidon se sarfaraaz kare Mera qalam nahin auzar us naqab-zan ka Jo apne ghar ki hi chhat mein shigaf Dalta hai Mera qalam nahin us duzd-e-nim-shab ka rafiq Jo be-charagh gharon par kamand uchhaalta hai Mera qalam nahin tasbih us maballigh ki Jo bandagi ka bhi har dam hisab rakhta hai Mera qalam nahin mizan aise aadil ki Jo apne chehre pe dohra naqab rakhta hai Mera qalam to amanat hai mere logon ki Mera qalam to adalat mere zamir ki hai Isi liye to jo likkha tapak-e-jaan se likha Jabhi to loch kaman ka zaban tir ki hai Main kaT girun ki salamat rahun yaqin hai mujhe Ki ye hisar-e-sitam koi to giraega Tamam umr ki iza-nasibiyon ki qasam Mere qalam ka safar raegan na jaega Sarisht-e-ishq ne uftadgi nahin pai Tu qadd-e-sarw na bini o saya-paimai